दल बहादुर सुनार, बढैयाताल, पौष १६ । बढैयाताल गाउँ  पालिका वडा नम्बर १ मा जारी  दोश्रो  वडा स्तरीय फुटबल प्रतियोगितामा आयोजक बिजयी भएको छ । जगदम्बिका  मा.बि. शान्तिपुरको खेल मैदानमा  वडा  नम्बर ८ र आयोजक वडा नम्बर  १ (बि)   बिच  सोमबार  भएको  फाइनलमा  खेलमा वडा  नम्बर  ८ लाई  शुन्यको विरुद्ध २ गोलले  पराजित  गर्दै आयोजक टीम प्रतियोगितामा बिजयी भएको  हो । 

लागु औषध र बाल बिवाह अन्त्य ः समृद्ध समाजको गन्तव्य भन्ने संदेश दिने उद्देश्यले  बढैयाताल  गाउँ पालिका वडा नम्बर १ को समन्वय र न्यु शान्ति  स्पोर्ट्स क्लब शान्तिपुर बर्दियाको आयोजनामा पौष ९ गतेदेखि जारी  प्रतियोगिताको  बिबिध  कार्यक्रमका साथ १६ गते सोमबार समापन भएको  वडा नम्बर १ का अध्यक्ष प्रेम बहादुर थापाले जानकारी दिनुभयो । निकै प्रतिस्पर्धात्मक र रोमाञ्चक रुपमा भएको प्रतियोगितामा न्यु शान्ति स्पोर्ट्स क्लब बढैयाताल गाउँपालिका वडा नम्बर १ शान्तिपुरले पहिलो हाफमा १ गोल र दोस्रो हाफमा १ गोलगर्दै प्रतियोगिताको उपाधी चुम्न सफल भएको हो । प्रतियोगितामा गोल रहित भएको ८ नम्बर वडा उप बिजेतामा चित्त बुझाएको छ । 

प्रतियोगिताको बिजेता र उप बिजेता हुने टीमलाई क्रमश नगद रु ५५ हजार र २५ हजार सहित ट्रफी, मेड्ल र प्रमाणपत्र प्रदान गरिएको छ । बढैयाताल गाउँपालिकाकि उपाध्यक्ष लक्ष्मी कुमारी  अधिकारीको प्रमुख आतिथ्यमा भएको प्रतियोगिताको समापन कार्यक्रममा बढैयाताल गाउँपालिकाका प्रमुख  प्रशासकीय  अधिकृत  अर्जुन सुवेदी, वडा नम्बर २ का अध्यक्ष डिलादेब गिरि, ८ का अध्यक्ष  तेजनाथ पौडेल, कार्यपालिका सदस्य, जनप्रतिनिधि, प्रहरीचौकी र  सशस्त्र  प्रहरी बल जमुनीका  प्रमुख, स्थानीय समाजसेबि, उद्योगि, ब्यापारी, खेल प्रेमी, सहयोग दाता लगायतका ब्यक्तिहरुको उत्साहजनक उपस्थिति रहेको थियो । 

प्रतियोगिता भब्य र सभ्य रुपमा सम्पन्न गर्न बढैयाता गाउँपालिका वडा न. १ को वडा कार्यालय, स्थानीय उद्योगि, ब्यापारी, सहकारी, बिद्यालय, निर्माण व्यावसायि, वैदेशिक रोजगारमा रहेका ब्यक्ति,  लगायतका संघसंस्थाले नगद तथा जिन्सी सहयोग रहेको प्रतियोगितामा विभिन्न बिदामा उत्कृष्ट  खेलाडीलाई मेडल, प्रमाणपत्र  र नगदबाट पुरस्कृत गरिएको क्लबले जनाएको  छ ।