लैंगिक तालिमका बारे बाँके युनेस्को क्लवको अभिमुखीकरण

चुरेकुञ्ज, गुलरिया । बाँके युनेस्को क्लबले फागुन १० गते ठाकुरबाबा नगरपालिकामा घरमै लैङ्गिक समानता, मर्यादित कामका अवसर, सीपमूलक तालिमको महत्व र युवा विशेष गरी महिलालाई स्वरोजगार÷जलारी रोजगारीको अवसर प्रदान गर्ने विषयमा एक दिने अभिमुखीकरण कार्यक्रम आयोजना गरेको छ । घर र समुदायमा सकारात्मक बातावरण सिर्जना गर्ने लक्ष्यका साथ घरपरिवारका प्रमुख वा अभिभावकहरू, युवा महिलाहरूले घर र समुदायमा कुनै आपत्ति बिना आफ्नो प्राविधिक सीप तालिम भर्ना गर्न र जारी राख्न सकून् भन्ने उद्देश्यले कार्यक्रम आयोजना गरिएको छ ।

लिङ्ग–मैत्री सहयोगी वातावरण सिर्जना गर्न परिवारको प्रमुख वा आमाबाबु जस्तै बुबा, आमा, भाइ, आमा निम्नमा, भाइ, बहिनी हेरचाहकर्ता, र परिवारको सदस्यको रूपमा छलफल गर्न, सामुदायिक नेता र रोल मोडेलहरू परिचालन गर्न तालिमले सहज हुने विस्वास लिईएको छ । युवाहरूको आकांक्षा र अभिभावकहरूको नयाँ व्यवसाय र रोजगारीका अवसरहरू कसरी सुरु गर्ने भन्ने बारेमा अभिभावकहरूका विभिन्न जिज्ञासाहरूमा छलफल गरिएको छ ।

कार्यशालामा २४ जना अभिभावकको सहभागिता रहेको थियो । उन्नत तालिम केन्द्र गुलरियाका कृष्णप्रसाद पाण्डेले सहजीकरण गर्नु भएको छ । आयोजना संयोजक गोविन्दप्रसाद लामिछानेले कार्यशालाको बारेमा स्पष्ट पार्दै जिज्ञासाको जवाफ दिनुभएको छ । कार्यशाला आयोजना पर्यवेक्षक कञ्चन दहितले सञ्चालन गर्नु भएको थियो ।