fbpx

निर्वाचन जित्ने सम्भावना बोकेकालाई टिकट दिनेभन्दै काँग्रेसका केन्द्रिय सदस्य संजय गौतमले कार्यकर्तालाई दिए कडा निर्देशन

निर्वाचन जित्ने सम्भावना बोकेकालाई टिकट दिनेभन्दै काँग्रेसका केन्द्रिय सदस्य संजय गौतमले कार्यकर्तालाई दिए कडा निर्देशन


चुरेकुञ्ज, गुलरिया । आगामी स्थानिय तहको निर्वाचन जित्ने सम्भावना देखिएका ब्यक्तीहरुलाई पार्टीले टिकट दिने नेपाली काँग्रेसका केन्द्रिय सदस्य एवम् पूर्व सिंचाई मन्त्री संजय कुमार गौतमले बताएका छन् । बर्दियाको गुलरियामा नेपाली काँग्रेस प्रदेस क्षेत्र नम्वर १ (ख) को आयोजना तथा गुलरिया/बारबर्दिया नगरकार्य समितिको सहआयोजनामा गुलरिया स्थित पार्टी कार्यालयमा आयोजित अगुवा कार्यकर्ता भेटघाट कार्यक्रमलाई सम्बोधनगर्दै नेता गौतमले जित्ने सम्भावना बोकेका ब्यक्तीहरुलाई पार्टीले टिकट दिने बताएका हुन् ।

स्थानिय निर्वाचनमा उम्मेदवारका आकांक्षीहरुको वडा कार्य समितिहरुबाट सर्बसम्मत नाम सिफारिश नभए सम्म टिकट नदिने काँग्रेसका सहमहामन्त्री किशोर सिंह राठौर, केन्द्रिय सदस्य गोपाल दहित र आफूविच सल्लाह भएको उनले प्रष्ट्याए । काँग्रेसमा भागवण्डाको राजनिति सकिएको बताउँदै सांसद गौतमले १४ औं महाधिवेशनपछि पार्टीमा गुटबन्दी नरहेको दोहोर्याए । समग्र काँग्रेस निर्माण गर्न पार्टीको स्पष्ट निर्देशन रहेकाले अनुशासन र मर्यादा नभई पार्टी नचल्ने जिकिर गर्दै पार्टीका जिम्मेवार कार्यकर्ताहरुको कृयाकलापले पार्टी माथी नै आँच आउने भएकाले त्यसो नगर्न आग्रह गरेका छन् ।

मुलुक स्थानिय निर्वाचनको सँघारमा रहेकाले टोल कार्यसमितिहरु गठनले उर्जा मिलेको बताए । पार्टीका भातृ संगठनहरु पुर्नगठन नहुँदा समस्या परेको औल्याउँदै नेता गौतमले जिल्लामा पार्टीले धेरै काम गरेतापनि आफ्नै कारणले निर्वाचन हार्ने गरेको स्मरण गराए । उनले जिल्लाका सबै तह र तप्काका पार्टीका समितिहरुले कार्यक्रम आयोजना गर्दा समितिका सबै ब्यक्तीहरुलाई सुचना दिन निर्देशन दिए । कार्यक्रमहरु आयोजना गर्दा ब्यक्ती केन्द्रित नभई पार्टी केन्द्रित गर्नुपर्नेमा जोडदिँदै पार्टीले गर्ने कार्यक्रमहरुका ब्यानरहरुमा आफ्नो तस्विर नराख्न सुझाव दिए ।

स्थानिय निर्वाचन नजिकिँदै गरेकाले टोल तथा वार्ड समितिका कार्यालयहरु संचालन गर्नुपर्नेमा लुम्विनी प्रदेसका सांसद भुवनेश्वर थारुले जोड दिए । निर्वाचनमा खर्च आवस्यक पर्ने भएकाले कार्यकर्ताहरुबाट समयमै लेवी उठाउन सुझावदिँदै थारुले भने निर्वाचनमा पार्टीले गरेका ऐतिहासिक कार्यहरु जनता सामु पुर्याउनु पर्छ । सदनमा प्रतिपक्षका अवरोधका कारण गठबन्धन सरकारले काम गर्न नसकेको प्रष्ट्याए । आगामी निर्वाचनका उम्मेदवारहरुलाई घात गर्ने उपर पार्टीले कुनै हालतमा नछाड्ने उनको भनाई छ ।


नेपाली काँग्रेस लुम्विनी प्रदेस कार्य समितिका सदस्य भेषराज पौडेलले काँग्रेसका तहगत संगठनहरुले पार्टीले गरेका कामहरुलाई ब्यापक बनाउनु पर्नेमा जोड दिएका छन् । निर्वाचनमा घात गर्ने प्रबृत्तिलाई चिर्दै आकांक्षी उम्मेदवारहरुलाई निषेध गर्न खोज्नेहरुलाई कारवाहीको दायरामा ल्याउन माग गरे । काँग्रेस पार्टीबाट विभिन्न ओहोदामा पुग्ने अनि पार्टीको भावना विपरित काम गर्ने प्रबृतिले पार्टी कमजोर भएको औल्याउँदै नेता पौडेलले एकढिक्का भएर पार्टीलाई उकास्नुपर्ने धारणा राखे ।

स्थानिय निर्वाचनको घोषणाले पार्टीका कार्यकर्ताहरु उत्साहित भएको बताउँदै महासमिति सदस्य विजय देवकोटाले ५ बर्ष अघिको निर्वाचनले मुलुक पछाडी धकेलिएको जिकिर गरे । दुई तिहाईको घमण्डले मुलुकमा भ्रष्टाचार बढाएको उनको भनाई छ । भविष्यका निर्वाचनमा संवेदनशिल हुँदै कांग्रेसको वडादेखि केन्द्र सम्म बहुमत ल्याउने गरी काम गर्न आग्रह गरे ।

नेपाली काँग्रेस बर्दिया क्षेत्र नम्वर १ का संघीय सभापति एवम् गुलरिया नगरपालिकाका नगरप्रमुख मुक्तिनाथ यादवले निर्वाचन सकिएकाले निर्वाचनका मनमुटाव त्यागेर अघि बढ्नु पर्नेमा जोड दिए । ब्यक्ती भन्दा पार्टी ठूलो भएकाले पार्टीलाई बलियो बनाएर अघि बढ्नुपर्ने उनको सुझाव छ । कांग्रेसका नवनिर्मित टोल समितिका कार्यकर्ताहरुलाई प्रशिक्षणको आवस्यकता रहेको सभापति यादवले बताए । पार्टीले जोसुकैलाई टिकट दिएपनि एक भएर जिताउनु पर्नेमा उनले जोड दिएका छन् । एमसीसीको अफवाह मेटाउन सबै लाग्नु पर्ने उनको भनाई छ ।

नेपाली काँग्रेस जिल्ला कार्यसमिति बर्दियाका सदस्य कमल रोकायाले पार्टीले सबैलाई मिलाएर अघि बढ्नुपर्ने धारणा राखेका छन् । स्थानिय निर्वाचन जित्ने गरी अघि बढ्नु पर्नेमा उनको जोड छ । कार्यक्रममा सहभागीहरुलाई विचार राख्न खुला शत्र राखिएको थियो । खुला शत्रमा पार्टीलाई विभिन्न सुझावहरु दिईएको छ । प्रदेस क्षेत्र नम्वर १ (ख) का सभापति विरबहादुर चौधरीको सभापतित्वमा कार्यक्रम सम्पन्न भएको छ । सहआयोजक दुवै नगरपालिकाका सभापतिहरुले कार्यक्रममा आफ्नो धारणा राखेका छन् । प्रदेस क्षेत्र नम्वर १ (ख) का उपाध्यक्ष विनोद यादवले स्वागत मन्तब्य राखेको कार्यक्रम प्रदेस सचिवले संचालन गरेका हुन् ।

तपाइको मत