ओमिक्रोन भेरियन्ट संक्रमितको संख्या बढेसँगै भारतमा दिल्लीका शैक्षिक संस्थाहरु धमाधम बन्द

नयाँ दिल्ली । कोरोना भाइरसको नयाँ भेरियन्ट ओमिक्रोन संक्रमितको संख्या बढेसँगै भारतको दिल्ली सरकारले विभिन्न शैक्षिक संस्थाहरु बन्द गराएको छ । सरकारले यल्लो अलर्ट जारी गरेसँगै दिल्ली सरकारले मंगलबार विभिन्न शैक्षिक संस्था बन्द गराएको हो ।

ओमिक्रोनको खतरा उच्च रहेको भन्दै दिल्ली सरकारले शैक्षिक संघसंस्थाहरु पुर्ण रुपमा बन्द गर्न निर्देशन दिएको छ । साथै सरकारले नीजि क्षेत्रहरुमा कर्मचारीहरुको ५० प्रतिशत उपस्थिती सहित बिहान ९ देखि ५ बजेसम्म काम गर्न निर्देशन दिएको छ । सो समयभित्र सिफ्टअनुसार काम गर्न सरकारले निर्देशन दिएको भारतिय मिडियामा खबर छ ।

दिल्ली सरकारले ५० प्रतिशत सिट राखेर मात्र सिनेमा र रेष्टुरेन्ट सञ्चालन गर्न निर्देशन दिएको बताइएको छ । यल्लो अलर्ट लागु भएपछि अत्यावश्यक पसलहरु बिहान १० बजेदेखि राति ८ बजेसम्म मात्र सञ्चालन गर्न पाइने बताइएको छ ।